هەواڵ- کوردستان

کۆباس_

لە خۆپیشاندانەکەى ئەمڕۆى قەزاى چەمچەماڵ گەنجێک "بە تەقەى پاسەوانانى بارەگاى پارتى" لە قەزاکە کوژرا و لە کۆتا پۆستیدا لە فەیسبووک باسى کوردایەتى دەکات.

ئەدهەم عەلى گەنجێکى تەمەن ٢٦ ساڵ بوو، ئەمڕۆ لە خۆپیشاندانەکانى چەمچەماڵ کوژرا و لە کۆتا پۆستیدا لە فەیسبووکى خۆى نوسیویەتى، له ناو ئاگر بتوێمه وه هه ر دەڵێم كوردم.

لاى خۆیەوە، د. فەرهاد محەمەد بەڕێوەبەرى تەندروستى چەمچەماڵ بە کۆباسى راگەیاند، لە خۆپیشاندانەکەى ئەمڕۆى چەمچەماڵ کەسێک شەهید بووە و دوو کەسیش بریندار بوون و مەترسى لەسەر ژیانیان نییە.

ئەمڕۆ خۆپیشاندان لە قەزاى سەیدسادق و رانیە و چەمچەماڵ و پیرەمەگرون و بازیان دەستى پێکرد و لە سەیدسادق بارەگاى زۆربەى حیزبەکان سوتێنرا.