هەواڵ- ڕاپۆرت

یەکێتى جارێکى دیکە بۆ نیشتمان خوێنى لێ دە چۆڕێت..
ئەو هێزەى هەمیشە لە پێشەوەى بەرگرى لە نیشتمانە
یەکێتی جارێکى دیکە بە خوێنى خۆى بەرگرى لە نیشتمان دەکات..
خیانەتى ناوخۆیی و پێشڕەوى داگیرکەران بەردەوامە و یەکێتیش وەک هەمیشە، رووبەڕووى دەبێتەوە..

یەکێتى نیشتمانى کوردستان، ئەو هێزەى 48 ساڵە خەبات لەپێناو نیشتمان و خاکى کوردستاندا دەکات و بۆ بەرگرى لە خاک و نیشتمان بەردەوام خوێن دەبەخشێت..
دوێنێ جارێکى دیکە، یەکێتى خوێنى لێچۆڕا و شەهیدى دا و وەک هەمیشە یەکیتى و هێزەکانى دەکەونە بەرهێرشى نەیارانى نیشتمان و خاکى کوردستان..
زانیارییەکان باس لەوە دەکەن، ئەو هێرشە درۆنیەى دوێنێ کرایە سەر فڕۆکەخانەى عەربەت کە بەهۆیەوە سێ پێشمەرگەى دژەتیرۆر شەهید بوون، بە پێشڕەوى و چاوساغى لایەنى ناوخۆیی ئەنجامدراوە و جارێکى دیکە دەستى خیانەتى ناوخۆیی، گەیشتەوە خاکى هەرێم و رێنیشاندەرى دوژمنانى کود دەبن، بۆ ئەوەى هێرش بکرێتە سەر نیشتمان و وەک هەمیشەش ئامانجى دوژمنانى کورد، یەکیتى نیشتمانى کوردستانە..
بەڵام ئەوەى ناکەوێ و نابەزێ یەکێتى و هێزە پۆڵایینەکەیەتى سەدان قۆناغى واى تێپەڕاندووە و ئەوەى دەمێنێتەوە سەروەرییەکانى یەکێتییەوە و هیچ کاتێکیش چۆک بۆ نەیارانى دانادات و لە هەر شوێنێکیش مەترسى لەسەر خاکى کوردستان هەبێت، یەکێتى لەوێوە، گرنگ نییە کام پارچەى کوردستانە، رۆژهەڵاتە یان رۆژئاوا، باکورە یاخود باشور، بۆ هەر مەترسییەک ئامادەیە و هێزەکانى گیانى خۆیان بەخت دەکەن بۆ بەرگرى کردن لە نیشتمان.