هەواڵ- ڕاپۆرت

بۆچی داواکاری گشتی بە لیژنەکانی قائیمقامیەتی سلێمانی سەرسامە؟

لیژنەهاوبەشەکانی قائیمقامییەتی سلێمانی وەک لایەنێکی پەیوەندیداری گرنگ لەسۆنگەی هەستکردن بە بەرپرسیارێتی لەبەرامبەر بەردەوامبوونی بەرقەراربوونی  ئاسایشی خۆراک و پارێزگاریکردن لە تەندروستی هاوڵاتیان وچاودێریکردنی تەواوی بازاڕ و فرۆشگاو ریستۆرانتەکان بەردەوام بەشەو بەڕۆژ بەردەوامبووە لە بەدواداچوون و ئەرکەکانی خۆی، هەرئەمەش بووەتە هۆی ئەوەی کە تەواوی بازاڕ و دووکان و رێستۆرانت وئەو شوێنانەی کە راستەوخۆ پەیوەندییان بە ئاسایشی خۆراک و تەندروستی هاوڵاتیانەوەهەیە لە ژێر کۆنترۆڵی لیژنە هاوبەشەکاندا بێت.
سەبارەت بە ئەرک و کارەکانی لیژنە هاوبەشەکانی قائیمقامیەتی سلێمانی لەماوەی رابردوودا، لەماوەی ئەم مانگەدا  داواکاری گشتی دووجار سوپاس و پێزانیینی خۆیان ئاراستەی لیژنە هاوبەشەکانی قائیمقامییەتی سلێمانی کردووە لەپای دڵسۆزی و راپەڕاندنی ئەرکەکانیان کەشە ورۆژیان خستۆتە سەریەک لەپێناو پاراستنی تەندروستی هاوڵاتیان و چاودێریکردنی دوکان و بازاڕ و تەواوی ئەو شوێنانەی پەیوەندی و کاریگەری راستەوخۆیان بە ژیان و تەندروستی هاوڵاتیانی سلێمانییەوە هەیە. لە رۆژى (17ى شوباتی 2025) حاکم مەهدى رەشید، بەرپرسى فەرمانگەى داواکارى گشتى سلێمانى سەردانى قائیمقامیەتى کرد و لەگەڵ ئاوات محه‌مه‌د، قائیمقامی سلێمانی وئه‌ندامانی لیژنە هاوبەشەکان کۆبوە و پشتگیرى یاسایى بۆ کارەکانیان دوپات کردەوە.
هەر لەماوەی ئەم مانگەدا بۆ جاری دووەم لە نوسراوێكدا كه‌له‌لایه‌ن دادوه‌ر مه‌هدی ره‌شید فه‌ره‌ج، سه‌رۆكی ‌ فه‌رمانگه‌ی داواكاری گشتی سلێمانی واژۆكراوه‌ و ئاڕاسته‌ی قائیمقامییه‌ت کراوە، بەناوى فەرمانگەکەیانەوە سوپاس و پێزانینى خۆیان ئاراستەى هەریەک لە ئاوات محەمەد، قائیمقامی سلێمانی  وسەرجەم لێپرسراوانى بەش و هۆبە و فەرمانبەر و سەرۆک و ئەندامانى لیژنە هاوبەشەکانیان کرد لەپاى ئەو ئەرک و ماندوبونەى لەپێناو پاراستنى تەندروستى هاوڵاتیان ئەنجامى دەدەن و ئاماژە بەوەشکراوە، 
چاودێریکردن و پشکنینى شوێنە گشتییەکان له‌سنورى کارگێڕى قائیمقامییەتی سلێمانی و بەدواداچونى جێبەجێکردنى یاسا و رێنماییەکانى تایبەت بە ئیش و کارەکان بۆ بەدواداچونى کوالێتى، نرخى خۆراک و کاڵاو پێداویستییەکان جێگه‌ی ده‌ستخۆشییه‌ و هیواى بەردەوامییان بۆ دەخوازن. جگەلەوەی لیژنەهاوبەشەکانی قائیمقامیەتی سلێمانی بەردەوام و بەبێ ماندووبوون بێ گوێدانە کاتەکانی دەوام  لەشەو رۆژدا بەردەوام سەردانی دووکان و بازاڕ و چێشتخانەو دەرمانخانە و ئەو شوینانەیەان کردووە کە پەیوەندی راستەوخۆیان بە تەندروستی هاوڵاتیانەوە هەیە، هاوکات دڵسۆزی و لێهاتووی وگیانی هەستکردن بەبەرپرسیارێتی لەلای لیژنەهاوبەشەکانی قائیمقامیەتی سلێمانی بووەتە مایەی دڵخۆشی هاوڵاتیانی سلێمانی و دڵنیابوونیان لە ئاسایشی خۆراک پاریزراوی تەندروستیان لەسایەی هەوڵ و ماندووبوونەکانی لیژنەکانی قائیمقامیەتی سلێمانیەوە.