هەواڵ- ئابوری

کۆباس_

نرخى نەوت لە بازاڕەکانى جیهان لە ٢٤ کاتژمێرى رابردودا رووى لە بەرزبوونەوە کردووە، ئەوەش دواى ئەوەى کۆمپانیای مۆدێرنا، سەرکەوتنی لە بەرهەمهێنانی ڤاکسینی کۆرۆنا راگەیاند.

 
بەپێى ئاژانسە جیهانییەکانى تایبەت بە ئابورى و بۆرسەى جیهانى، ئەمڕۆ نرخى یەک بەرمیل نەوتى برێنت بە ٤٤ دۆلار و ٢٣ سەنت مامەڵەى پێوەدەکرێت.

هاوکات نرخى یەک بەرمیل نەوتى خاوى ئەمریکى بە ٤١ دۆلار و ٦٤ سەنت ماماڵەى پێوەدەکرێت.

بەبڕواى چاودێرانى ئابورى، بەرزبووەنەوەى ئاستى نەوت لە ماوەى ٢٤ کاتژمێرى رابردودا بەڕێژەى نزیکەى ٥%، بەهۆى ئەوەیە کە کۆمپانیای مۆدێرناى ئەمریکى، سەرکەوتنی لە بەرهەمهێنانی ڤاکسینی کۆرۆنا راگەیاندووە.