هەواڵ- هەمەڕەنگ

کۆباس_

 

زاوایه‌ك لە کاتى ئاهەنگى هاوسەرگیریەکەیدا له‌ پارێزگای گوڵستان له‌ باكووری ئێران، به‌هۆی پابه‌ندنه‌بوون به‌ ڕێنماییه‌ ته‌ندروستییه‌كان ده‌ستگیر كرا.

دادگای پارێزگای گوڵستان لە باکورى ئێران  ڕایگه‌یاند: به‌هۆی ئه‌وه‌ی له‌ ئاهه‌نگێكی هاوسەرگیریدا به‌شداربووه‌كان ده‌مامكیان به‌كار نه‌هێناوه‌ و پابه‌ندی ڕێنماییه‌ ته‌ندروستییه‌كان نه‌بوون، زاواکە ده‌ستگیر کراوە و كۆتاییان به‌ ئاهه‌نگه‌كه‌ هێناوە.

بەپێى هەواڵى میدیاکانى ئێران، له‌و ئاهه‌نگه‌دا 400 كه‌س به‌شدار بوون و هیچ یه‌ك له‌ به‌شداربوان پابه‌ندی ڕێنماییه‌ ته‌ندروستییه‌كان نه‌بوون.

دادگای پارێزگای گوڵستان ڕایگه‌یاندووه،‌ دۆسیه‌ بۆ زاوا كراوه‌ته‌وه‌ و دادگایی ده‌كرێت.