هەواڵ- ڕۆژهەڵاتی ناوەڕاست

کۆباس

دوای گرژییەکانی شەوی رابردووی بەغدا،لە ئێستادا دۆخەکە لەو شارە تاڕادەیەک ئارام بوەتەوە، بەڵام هێزێکی زۆر لەسەر شەقامەکان بڵاوەیان پێکراوە.

شەوی رابردوو بەشێک لە چەکدارانی سەر بە عەسائیبی ئەهلی حەق  بە چەک و ئۆتۆمبێلی بێ تابلۆوە چوونە سەر شەقامەکان و ڤیدیۆیەکیان بڵاوکردەوە کە تێێدا بە چەکەوە هەڕەشەیان لە ئەمریکا کرد و  ٤٨ کاتژمێر مۆڵەتیان دایە حکومەت تا  ئەو کەسانە ئازاد بکات کە بە تۆمەتی دەستهەبوون لە هێرشکردنە سەر باڵیۆزخانەی ئەمریکا دەستگیرکراون. 

هەر شەوی ڕابردو مستەفا کازمی سەرۆک وەزیرانی عێراق دوای ئەوەی تویتێکی بڵاوکردەوە و ئاماژەی بەوە کرد، ئامادەی هەموو جۆرە روبەڕوبونەوەیەکن، چوە سەر شەقام و سەردانی بەشێک لە گەڕەک و شەقامەکانی بەغدای کرد.

بە پێی زانیاریەکان لە ئێستادا هێزه‌كانی دژه‌ تیرۆری عێراق له‌شاری به‌غدا خراونه‌تە حاڵه‌تی ئاماده‌باشیه‌وه‌ و هێزێکی زۆر لەسەر شەقامەکان بڵاوەیان پێکراوە بە تایبەت لە ناوچەی سەوز، بەوەش دۆخی شارەکە بەراورد بە شەوی ڕابردو تا ڕادەیەک ئارامە.