هەواڵ- ڕۆژهەڵاتی ناوەڕاست
لەبارەی دابەشکردنی موچە بە دۆلار رونکردنەوە دەدرێت
کۆباس
لیژنەی دارایی پەرلەمانی عێراق رایگەیاند، پێشنیازکراوە موچەی سێ مانگی داهاتوی فەرمانبەران بە دۆلار خەرجبکرێت، بەڵام حکومەت بە هیچ جۆرێک پابەند ناکرێت بە جێبەجێکردنی ئەو پێشنیازەوە .
عەدنان زرفی ئەندامی لیژنەی دارایی لە پەرلەمانی عێراق رایگەیاند، پێشنیازێک هەیە کە حکومەت موچەی فەرمانبەران بە دۆلار دابەشبکات، بەڵام تاکە شتێک بتواندرێت جێبەجێ بکرێت، بریتیە لە یاسا و رێنماییەکانی جێگیرکراوی ناو بودجە.
ئەوەشی خستەڕوو، ئەوەی پەرلەمانتاران پێشنیازی دەکەن تەنیا وەک بیرۆکە و بۆچون دەکرێت شتی نوێی تێدابێت، نەک مەرج بێت جێبەجێبکرێت.
وتیشی:" جێبەجێکردنی پێشنیازێکی لەم جۆرە دەگەڕێتەوە بۆ سیاسەتی حکومەت و سیاسەتی نەختینەیی بانکی ناوەندی لە پرۆسەی جێبەجێکردنی ئاڵوگۆڕکردنی دراودا" .