هەواڵ- کوردستان

کۆباس 

فەرماندەیەکی پەکەکە، ئاماری روداو و چالاکییەکانی ئەمساڵی پارتی کرێکارانی کوردستان PKKی تایبەت بە ژنان ئاشکرادەکات و دەڵێت:"لە 11 مانگی ئەمساڵدا 112 هەڤاڵی ژنمان لە روبەڕوبونەوەکاندا بەرامبەر دوژمن گیانیان لەدەستداوە."
زۆزان چەولیک فەرماندەی بڕیارگەى ناوەندیی یەژاستاری سەر بە  (PKK) بە میدیای حیزبەکەی راگەیاندوە، هەرچەندە ئەمساڵ بەهۆی ڤایرۆسی کۆرۆناوە چون و وەرگرتنی گەریلایان راگرتبو، بەڵام 160 ژن بەشداری ریزەکانی گەریلا بوون و لە شەڕەکاندا بەشداربون."
ئەو فەرماندەیەی پەکەکە سەبارەت بە ئاماری 11 مانگی ساڵی 2020 کە تایبەت بە ژنانی پەکەکەیە وتویەتی:"  ئێستا چارەنوسی دوو هەڤاڵمان نادیارە و دوو هەڤاڵیشمان لەلایەن دوژمنەوە دیلکراون، هەروەها چوار کەسیش خۆیان رادەستی هێزەکانی دووژمن کردوە و 160 ژنیش بەشداریی روبەڕوبونەوەی شەڕەکانیان لەگەڵ دوژمن کرووە، هەروەها لە ماوەی 11 مانگیشدا 112 گەریلای ژن گیانیان لەدەستداوە."