هەواڵ- کوردستان

باڵیۆزی یەكێتی ئەوروپا لە عێراق لەبارەى بڕیارەکەى ئەمڕۆى دادگاى تێهەڵچوونەوەى هەرێم دەرهەق بە دەستگیرکراوانى بادینان هاتە دەنگ و ئیدانەی بڕیارەکەى کرد. 
ئەمڕۆ یەکشەمە، مارتن ھۆس باڵیۆزی یەكێتی ئەوروپا لە عێراق  لە بڵاوکراوەیەکدا کە لە هەژماری تایبەتی خۆی لە تویتەر بڵاویکردەوە ڕایگەیاند،  ئاماژەى بە بڕیارى دادگاى تێهەڵچوونەوەى هەولێر کردووە ، دژی ئەو پێنج ڕۆژنامەنووس و چالاکوانەى بادینان کە بڕیارى جێبەجێکردنى شەش ساڵ زیندانیکردنیانى پەسەند کرد. 
هۆس ئاماژە بەوە دەکات کە لێپێچینەوە ناڕاست و ناتەندروست بەرامبەر ئەو دەستگیرکراوانە ئەنجام دراوە بەگوێرەى ئەوەى کە ڕێکخراوى نەتەوە  یەکگرتووەکانیش ئاماژەى بەوە کردووە.