هەواڵ- کوردستان

لە ناو بازاڕی دهۆک کەسێک بە مردویی دۆزرایەوە

29/06/2021

1059 جار خوێندراوەتەوە


ئێوارەی ئەمڕۆ، لە ناو بازاری شاری دهۆک، کەسێک گیانی لەدەستدا و تا ئێستایش کەس و کارەکەی دیار نییە و پۆلیس داوادەکات هەرکەس دەیناسێت کەسوکارى ئاگادار بکاتەوە.
پۆلیسی دهۆک ڕایگەیاند، ئێوارەی ئەمڕۆ سێشەمە بەرواری ٢٩ / ٦ / ٢٠٢١ پاش ئەوەی ئاگادارکراینەوە لە هەبوونی حاڵەتێکی بێهۆشی کەسێک لە نزیک فولکەی مەم و زین، دەست بەجێ هێزەکانی پۆلیس گەیشتنە شوێنی ڕووداوەکە و کەسەکەیان ڕەوانەی نەخۆشخانە کرد، بەڵام گیانی لەدەستدا بوو.
ئاماژەیش بەوەکراوە، کەسەکە خاوەن پێداویستى تایبەتە و بەوە ناسرابوو کە بەردەوام لەناو بازاڕى دهۆکدا دەگەڕا و کاغەزێکى لەدەستدا بووە، بەڵام هیچی لەسەر نەنوسراوە.  
پۆلیسى دهۆک جەختی لەوەشکردووەتەوە، ئەو کەسە هیچ ناسنامەیەکى پێ نییە، هەرکەسێک دەیناسێت کەسوکارى ئاگادار بکاتەوە چونکە هێشتا تەرمەکەى لە پزیشکى دادى پارێزگاى دهۆکە.  

KOBAS.KRD | Development by TeraTarget for Digital Intelligence and IT Innovations