هەواڵ- کوردستان

نهێنى نوێ لەبارەى ئاگرەکەى حەمدانییە ئاشکرا دەبێت..
گومانى گەورە لەسەر کەوتنەوەى ئاگرەکە دروستبووە..
ئاگرەکە پلان بۆ داڕێژراو بووە یاخود قەزاو قەدەدر؟
چەند بەڵگەیەک هەموو شتێک یەکلایی دەکەنەوە..
هێشتا ئازار و هاوار و ناڵەى قوربانییانى رووداوەکەى حەمدانییە کۆتایی نەهاتووە کە چەندین گومانى دروستکردووە.
درەنگانی شەوی سێشەممەی رابردوو، لە ئاهەنگێکی هاوسەرگیریدا لە هۆڵی هەیسەم لە قەزای حەمدانییە ئاگرکەوتەوە و بەهۆیەوە زیاتر لە ١٠٠ کەس گیانیان لەدەستدا و زیاتر لە 150 کەسی دیکەش برینداربوون..
رووداوەکە بەجۆرێک ناخهەژێن بوو کە ماتەمینى سەرتاسەرى لە عێراق راگەیەنرا..
زانیارییە سەرەتاییەکان باسیان لەوەدەکرد کە ئاگرەکە بەهۆى یارى ئاگرینەوە کەوتووەتەوە، بەڵام ئێستا بەڵگە و زانیارییەکان شتێکى تر دەڵێن. 
سەرەتا گومانەکان لەوەوە دروستبوو، کە ساتى ئاگرەکە کەسێک لەناو خەڵکەکەدا دەموچاوى داپۆشیوە و بە دەستى ئاماژەى سەرکەوتن دەکات، ئەوەش ئەو گومانەى دروستکرد کە رووداوەکە بە پلان کراوە و بەهۆى یارى ئاگرینەوە نەبووە.
دواتر ڤیدیۆى گەنجێک بڵاوکرایەوە کە باسى ئەو ئامێرى یارییە ئاگرینانە دەکات کە لە هۆڵەکانى ئاهەنگگێران کاریان پێدەکەن و دەڵێت ئەو ئامێرە هیچ جۆرە ئاگرێک دروستناکات، تەنانەت کیسى نایلۆن و کاغەزیش ناسوتێنێت و لەو کاتەشدا بەبەڵگە دەیخاتەڕوو، ئەوەش گومانەکانى زیاتر کرووە.
ئەم دوو بەڵگەیە گومانێگى گەورەى لەناو شەقامى عێراقیدا دروستکردووە و هەموو ئاماژەکان بۆ ئەوەن کە ئەو کارەساتە بە پلان کراوە و قەزاو قەدەر نەبووە و ئاگرەکە بەهۆى یارى ئاگرینەوە نەکەوتووەتەوە، ئێستا وەزارەتى ناوخۆ دەستیکردووە بە لێکۆڵینەوەى جددى و چاوەکان لەسەر ئەنجامی لێکۆڵینەوەکانن و بوک و زاواش کە لەناو ئازارێکى دەرونى و رۆحى ناخۆشدان و زۆربەى کەسوکارەکانیان لەدەستداوە، لە دوورەوە سەیر دەکەن و ئازارى ئەو رۆژە دەچێژن کە شاییان لێبوو بە شین و مانگى هەنگوینیان لێبوو بە ژەهرێک و بە گەرویاندا چووە خوار..