هەواڵ- کوردستان

كۆباس-

سەرۆكی فراكسیۆنی كۆمەڵ لە پەڕلەمانی كوردستان ئاشكرایكرد، داهاتی هەرێم لە مووچەی فەرمانبەران زیاترە و جه‌ختیشده‌كاته‌وه‌، ئەگەر نەیتوانی بیسەلمێنێت دەستلەكاردەكێشێتەوە.

عەبدولستار مەجید، سەرۆكی فراكسیۆنی كۆمەڵ لە پەڕلەمانی كوردستان لە هەژماری خۆی لە فەیسبووك بڵاویكرده‌وه‌، داهاتی مانگێكی هەرێمی كوردستان بە نەوتی و نانەوتیەوە، نزیك بە (ترلیۆنێك و دوو سەد ملیار دینار)ـە، بەڵام كێشەكە ئەوەیە ئەو داهاتانە لە دەستێكی ئەمیندا نیە .

ده‌شڵێت، ئێمە پێشتر وەك دڵسۆزی و خەمخۆری بۆ خەڵك، پێشنیازمان كردبوو كە بابەتی دارایی بدرێتە دەستی ئێمە تا چارەسەری بكەین، ئەمڕۆش جارێكی دیكە و بە هەمان مەبەستی پێشووتر ئەو داوایەم لە هۆڵی پەڕلەمان دووبارە كردەوە و حكومەتم خستەوە بەردەم ئەو بەرپرسیارێتییە .

 

سه‌رۆكی فراكسیۆنی كۆمه‌ڵ ئاماژه‌ی به‌وه‌شكردووه‌، كه‌ دڵنیایه‌ داهاتی هەرێمی كوردستان ئەوەندە زۆرە بەشی مووچە و بودجەی تەواو دەكات، ئەگەر نەیتوانی ئەوە بسەلمێنێ ئەوا هەم داوای لێبوردن دەكات و هەم دەست لە ئەندامێتی پەڕلەمان دەكێشێته‌وه‌.