هەواڵ- کوردستان

كۆباس-

بەڕێوەبەری گشتیی تەندروستیی راپەڕین رایگه‌یاند، تەنیا ئەمڕۆ 12 مامۆستا لە سەنتەری راپەڕین تووشی کۆرۆنا بوون جگه‌ له‌وه‌ش ژماره‌یه‌ك کارگوزار و فەرمانبەریشمان هەن تووشی ڤایرۆسەکە بوون.

 
د. دیار ئیبراهیم، بەڕێوەبەری گشتیی تەندروستیی راپەڕینرایگەیاند، "بەهۆی تێکەڵاوی و پابەندنەبوونی خەڵک بە رێنماییەکان، ژمارەی تووشبووانی کۆرۆنا لە راپەڕین زیادیکردووە.. بەهۆی زۆریی ژمارەی تووشبووانیشەوە گوشارێکی زۆرمان لەسەرە".

بەڕێوەبەری گشتیی تەندروستیی راپەڕین ئاماژەی بەوەش کردووە "ئێستا لە رانیە 31 قەرەوێڵەمان هەیە و سەرجەمیان نەخۆشیان لەسەرە، لە هەوڵی زیادکردنی ژمارەی قەرەوێڵەکانداین، بەڵام چاوەڕوانی تەواوبوونی ئەو نەخۆشخانە خێرخوازیەین کە مەکتەبی سیاسیی یەکێتی و لاهور شێخ جەنگی، هاوسەرۆکی یەکێتی ئەرکی دروستکردنیان لەئەستۆ گرتووە".

بەپێى ئامارى تەندروستى راپەڕین، لە راپەڕین ئەمڕۆ 19 کەس تووشی ڤایرۆسی کۆرۆنا بوون، لەو ژمارەیە ١٢ کەسیان مامۆستا بوون.