هەواڵ- کوردستان

كۆباس_

لە بەرزاییەکانی شارۆچکەی باشکالە-ی سەر بە پارێزگای وان لە باکورى کوردستان، بەشێوەیەکی لەناکاو بەفر دایکرد و نزیكه‌ی 10 سانتیمه‌تر به‌فر باریوه‌.

 ئاژانسی ئەنادۆڵی تورکی، بڵاویكرده‌وه‌، ئه‌مڕۆ لە بەرزاییەکانی شارۆچکەی باشکالە-ی سەر بە پارێزگای وان لەباکوری کوردستان، بەشێوەیەکی لەناکاو بەفر دایکرد و گرفتی بۆ شوانەکانی ئەو ناوچەیە دروستکردووه‌.

ئاماژه‌ی به‌وه‌شكردووه‌، ئه‌و به‌فربارینه‌ دوای ئەوەهات کە تاوەباران روی لە شارۆچکەکە کرد و لە بەرزاییەکانیشدا بەفر باری.

شوانەکان کە سەرقاڵی لەوەڕاندنی ماڵاتەکانیان بون، لەگەڵ دەستپێکی بەفربارین بەخێرایی ماڵاتەکانیان کۆکردەوە و گەڕانەوە ماڵەوە.

ئاژانسه‌كه‌ ئاشكراشیكردووه‌، لە هەندێک شوێنی دامێنی چیای ئیسپیریز ئەستوری بەفرەکە گەیشتە 10 سانتیمەتر.