هەواڵ- کوردستان

کۆباس- 

ئاسایشی رۆژئاوای سلێمانی دەستگیركردنی بازرگانێك و دوو بەكارهێنەری ماددەی هۆشبەری بڵاوكردەوە ، یەكێك لەبەكارهێنەرەكان لەرەگەزی مێیە.

 
لە ڕاگەیەنراوێكی بەڕێوەبەرایەتی ئاسایشی رۆژئاوای سلێمانی كە كۆپییەكی بەکۆباس گەیشتوە تێیدا هاتوە، دەرەنجامی هەوڵەكانی هێزەكانیان لەبەڕێوەبەرایەتی ئاسایشی ڕۆژئاوای سلێمانی بۆ ڕێگریكردن لەبڵاوبونەوە و تەشەنە نەكردنی ماددەی هۆشبەر، لەسەر بنەمای كۆكردنەوە و بەدەستهێنانی زانیاری  3  كەس بەتۆمەتی بەكارهێنان و بازرگانیكردن بەماددەی هۆشبەرەوە دەستگیركران.

ئاواژە بەوەکراوە، دوو لەتۆمەتبارەكان دانیشتوی كەركوكن كە یەكێكیان بازرگانە و یەکێکیشیان بەڕەگەز مێیە و بەكارهێنەرە، تۆمەتباری سێیەمیش بەكارهێنەرە و دانیشتوی چەمچەماڵە.

لەڕاگەیەنداوەکەشدا هاتوە یەكێك لەتۆمەتبارەكان لەبازگەی بانمەقان و دوو تۆمەتبارەكەی دیكەش لەناو قەزای چەمچەماڵ دەستگیركراون و جۆری ماددەی بەكارهێنراو و بازرگانی پێكراویش كریستاڵە.